روونکردنەوە..

روونکردنەوە..
لەچەندپەیج و میدیایەکدا؛ لێکدانەوەیەکی سیاسی بۆ سەردانێکی ئێمە بۆ لای تێکۆشەر (محەمەد حاجی مەحمود) کراوەو بۆتە بابەتی رۆژ و پەیوەست بەسیاسەت.
ئاماژەبەوەکراوە کە گوایە سەردانەکەمان بەمەبەستی پشتیوانی بووە بۆ کاندیدەکانی پارت (سۆسیالست) لە هەڵبژاردنی ئەنجومەنی نوێنەرانی عێراق-دا.
وەک عەشرەتی (هەمەوەند) هیچ گفت و بەڵێنی سیاسیمان بەهیچ لایەنێکی دیاری کراو نەداوە.
ئێمە لە عەشیرەتی هەمەوەند کە خۆمان بەخاوەنی رێ و رێگەی کوردایەتی دەزانیین.. کاری جددی دەکەین بۆ پێکەوەبوون و یەک دەنگی کورد لەم دۆغەی ووڵات-دا.
ئێمە لە عەشیرەتی (هەمەوەند) بەشێک نیین.. لە ئەجێندای سیاسی هیچ لایەنێکی دیاری کراوە لە پرۆسەی سیاسیدا؛ ئەندامانی عەشیرەتەکەمان بە بڕوای خۆیان بەسەر دیدە جیاکان بەش بوون؛ ئەوەش بەڵگەی بڕوابوونمانە بەفرەی و خۆتاپۆنەکردن بەسەر هیچ لایەکدا؛ پشتگیری بزوتنەوەی کوردایەتی و دیموکراتی و (هاوپەیمانی هێزە کوردی) و کوردستانییەکانیین. کە پێمان وایە لەم سەردەمە خەڵک و ئەندامانی عەشیرەتەکەمان؛ خاوەن هۆشیاری باڵان: لە دیاریکردنی بژاردەی ئەو هێزانەی کە دەتوانن لە پرۆسەی سیاسی و دەوڵەتداری خزمەت بە گەل بکەن و لەوبوارەش مێژووی تاقیکراوەیان هەیە.
وەک خانەوادەی خۆشمان؛ پارێزەری ئەو پەیوەندی و رێچکە مێژووییەین لە برایەتی.. کە لە رابردوو لە نێوان خوالێخۆش بووان؛ باوکمان (کەریم ئاغای هەمەوەند) و رەوان شاد سەرۆک (مام جەلال) هەبووە.
وەفاداریین بۆ رێگەی هاوبەشی کوردایەتی، و قەڵغانیشین بۆ پاراستنی حەق و حقووقی گەلەکەمان لە عێراق-دا.
لە کۆتایدا رایدەگەیەنیین: هەموو لایەن و هێزەسیاسییەکان هاوڕێ و براو کەسی ئێمەن.. ئێمە لەگەڵ پێکەوەیی و تەبایداین و دەریشکەوت پێکەوە نەبیین سست و لاوازیین؛ لەبەردەم ئەو هێزانەی بڕوایان بەمافە نەتەوەییەکانی گەلی کورد نییە لە عێراق-دا.
ئێمە لەگەڵ (پێکەوەیداین) لەگەڵ بەهێزی و یەک ریزی هێزە سیاسییەکوردستانییەکانیین.
مەریوان کەریم ئاغای هەمەوەند
۳٠/۹/۲٠۲۱


ئه‌م بابه‌ته 453 جار خوێنراوه‌ته‌وه‌‌

PM:11:30:01/10/2021